Өлеңдер ✍️

  15.05.2022
  124


Автор: Ақұштап Бақтыгереева‎

Той-думандарда сайрайтындармен...

Той-думандарда сайрайтындармен,
Жарқылдап жүзі жайнайтындармен,
Сертінен айтқан таймайтындармен
Таныс болсаңдар деп ем.
Өз қара басын ойлайтындардан,
Байлық пен даңққа тоймайтындардан,
Достыққа құшақ жаймайтындардан
Алыс қонсаңдар деп ем.
Сағынышпенен көрісетіндерді,
Қуаныш-қайғыны бөлісетіндерді,
Тұз-дәмін әр кез бөле ішетіндерді
Алыстатпасаңдар деп ем.
Үйлене салып салқындайтындардан,
Бастық болғанға жалпылдайтындардан,
Әділет үшін талпынбайтындардан
Таныс таппасаңдар деп ем.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу