Өлеңдер ✍️

Аппақ көңіл, пәк сана
Дейтін бәрі дос қана.
Жүйрік уақыт кетті өзгертіп барлығын.
Кеп-кешегі жас сәби
Таңдап енді басқа күй,
Айтқаныңа көнбей отыр ал бүгін.
Бірге өскен көзкөрген
Көзқарасы өзгерген,
Кейбірі шын дәлелдеді «достығын».
Маған бүгін армандай,
Бір белесте қалғандай
Іздесем де таптырмайтын қос бұрым.
Алыстасаң сағынған,
Күн санаудан жаңылған
Кездескенде ессіз құшақ жаяр күн.
Жас көңілдің алауы,
Жазғы таңның самалы
Өзгеше боп бара жатыр, аяулым