Өлеңдер ✍️

  15.05.2022
  135


Автор: Ақұштап Бақтыгереева‎

Ол рас, таласым жоқ...

Ол рас, таласым жоқ,
Өмірге ерте келдің.
Сен жүрдің «баласың» деп,
Мен саған еркеледім.
Айтпай-ақ түсінікті,
Әзілге бой ұрмадым.
Сөзсіз-ақ кішілікті
Мен өзім мойындадым.
Ойыңды білмедім де,
Шын сыйлап «аға» дедім.
Сен бірақ күннен-күнге
Өзгеріп сала бердің.
Жүзіме таныс көптен
Шығардың көп қарауды.
Жаныңнан алыс кетсем
Жабығып жоқтағанды.
Жасырмай бар сырымды,
Алдыңда кішіргенмен,
Қиналған жан сырыңды
Көзіңнен түсінген ем.
Орынсыз қызғанғаның,
Уақыттың өтері бар.
Ертерек қыз баланың
Есейіп кетері бар..




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу