Өлеңдер ✍️
Өлеңдер ✍️
15.05.2022
101
Жүректе өшпейтін бар ұшқын...
Жүректе өшпейтін бар ұшқын,
Жанымнан кетпеші алыс тым.
Сенімен билесем ерекше
Тербейді әуені вальстің.
Сыр тартып, сынап та жүрсің сен,
Таңдана қарайсың күрсінсем.
Қиналдым, әйтеуір білмедім,
Арманым шығарсың, мүмкін, сен.
Ерекше шырқалған ән бүгін,
Түсініп жүрсің бе барлығын?
Адасып қалма сен, абайла,
Мүмкін, мен шығармын тағдырың.
Әлеуметтік желілерде бөлісіңіз:
Facebook | VK | WhatsApp | Telegram | Twitter