Өлеңдер ✍️

  15.05.2022
  341


Автор: Ақұштап Бақтыгереева‎

Досыма

Өзгеден өжет бол асқақ,
Сол саған, достым, жараспақ.
Ұқсап өт асау өзенге
Көрмеген бір сәт толастап.
Жағдайға өмір қарай ма?
Жанған соң, сөнбе қалайда.
Ұқсап өт жазғы таңдағы
Көрінген аппақ арайға.
Жеңсе де қайғы, қасірет,
Нұрыңды көпке шашу ет.
Тағдырға мойын ұсынсаң,
Қалмайды бойда қасиет.
Толмаса терге етегің,
Мұратқа күмән жетерің.
Өкініш болмас бақыттың
Түсініп өтсең не екенін.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу