Өлеңдер ✍️
Өлеңдер ✍️
15.05.2022
116
Өзен
Гүл толы кең өлкенің атырабы,
Тербелді тал-қайыңның жапырағы.
Кеудесі қуанышқа толған өзен
Бұлқынып арнасында жатыр, әні.
Барады көк өзенмен таласып ән,
Шырқалған жасыл құрақ арасынан.
Ақ толқын аунап түсіп, дөңбекшиді,
Арудың жүрегіндей аласұрған.
Күн нұры құмарлықпен құлап гүлге,
Кетіпті сұлуланып қырат мүлде.
Ал өзен асығады,
Жердің жүзін
Айналып шығатындай бір-ақ күнде.
Әлеуметтік желілерде бөлісіңіз:
Facebook | VK | WhatsApp | Telegram | Twitter