Өлеңдер ✍️

  15.05.2022
  173


Автор: Ақұштап Бақтыгереева‎

Алғашқы көктем

Аққулар кетті ұшып еліне,
Ән қалды туған жер көгінде.
Солармен бірге ұшып барады
Жүрегім жұлынып менің де.
Айналып қонар ма көліне,
Аққулар – ғашықтар өмірге.
Қайырмасы:
Жадымда жалт еткен көздерің,
Алғаш гүл сыйлаған кездерің.
Алдамшы екенін сезбедім,
Бақыты боларсың сен өзгенің.
Сезбедім уақыттың тез өткенін,
Кеудемде қуаныш жоқ менің.
Бақытым болар деп күткенмен,
Асылым – арманға жетпедім.
Ойымнан бір сәтке кетпедің,
Сен едің алғашқы көктемім!
Қайырмасы.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу