Өлеңдер ✍️
Өлеңдер ✍️
15.05.2022
114
Сағындым, Жайық
Тыңдамай үнін ағынның
Құмары қанбас жанымның.
Жайығым менің – жарығым,
Сағындым сені, сағындым.
Сандуғаш шырқап жаңа әнді,
Бөлейтін сазға далаңды.
Бесігім болған ақ айдын,
Сағындым сенің жағаңды.
Тұтасып жатқан көк пен жер,
Туларға толы көк белдер.
Кетпейді көзім алдынан
Мұнара қонған беткейлер.
Даламның нөсер-жауынын,
Боранын, айқай дауылын,
Жайықтың ерке сылдырын
Сағынып жүрмін, бауырым.
Әлеуметтік желілерде бөлісіңіз:
Facebook | VK | WhatsApp | Telegram | Twitter