Өлеңдер ✍️
  15.05.2022
  124

Автор: Ақұштап Бақтыгереева‎

Құралай

Адасып қалдың енеден,
Еліктің титтей лағы-ай.
Сүйкімді едің не деген,
Көз жауын алған құралай.
Бұлақтан орғып аса алмай,
Жағалай тасты жүгірдің.
Үрейден тұрсың баса алмай
Буынның балғын дірілін.
Жүргенде оқыс секеңдеп
Кезіксе көкжал жарады-ау.
Орманды бірге мекендеп
Жемтігі болу жаман-ау.
Адасып қалдың енеден,
Жанары мөлдір құралай.
Аяулы едің не деген,
Еліктің титтей лағы-ай.


  Құралай Ақұштап Бақтыгереева‎ Ақұштап Бақтыгереева‎ өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жіберілген хат ᐈ
  Ақжелең ᐈ
  Ұстазға ᐈ
  Ұстазға екінші өлең ᐈ
  Алғаш өлең оқығанда... ᐈ

Пікір жазу