Өлеңдер ✍️

  15.05.2022
  134


Автор: Ақұштап Бақтыгереева‎

Қызғалдақ маған ұнайды

– Сүйерің не? – деп сұрайсың,
Осылай, достым, сынайсың.
– Көктемгі қырдың еркесі –
Қызғалдақ маған ұнайтын.
– Ғұмыры оның тым қысқа,
Шықпайды дейсің бір қыстан.
– Теңі жоқ бақыт ол үшін
Көктемгі тұңғыш нұр құшқан.
– Қуантар дейсің көңілді
Көркейтіп бір күн өңірді.
– Кім үшін керек, достым-ай,
Қаңбақтың ұзақ өмірі.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу