Өлеңдер ✍️

Тағдырыңа жалын, мейлі, өкпеле,
Бір тылсым бар біз түйсініп жетпеген.
Не нәрсе үшін жапа шегіп келеміз,
Жұмбақтары бұл өмірдің көп неге?
Көңіл шіркін қайтсе, қалай жай табад,
Сұмдық сырды айтқым келер қайталап:
Өмір деген ғұмыр кешу
Біреудің
Жасап қойған күнәларын арқалап.
Қу тірліктің ызғары өтіп сүйектен,
Мың сан ойлар салмақ салар жүрекке.
Жылау үшін тудық біздер
Әйтсе де
Үміт – сәуле жылтырайды түнекте.