Өлеңдер ✍️

  15.05.2022
  102


Автор: Нүсіпбай Әбдірахым

Гүл

Гүлді көрдім солып қалған, сарғайған,
Ұмытылған ескі кітап ішінде.
Енді, міне, қамалап ап көп арман,
Қиялдадым ғажап айға түстім де.
Қайда өсті, қашан және қай көктемде,
Қанша уақыт тұрды жайнап, кім үзді?
Белгі болып қалды ма ескі беттерде
Арманындай ғашықтардың бір ізгі?
Белгісі ме қымбат, тәтті сүйістің,
Мұңның ба әлде сүйгенінен айрылған?
Белгісі ме әлде жай бір жүрістің
Аясында ну орманның қалғыған?
Тірі ме олар, қайда олардың мекені,
Кең дүниенің жүр олар қай шетінде?
Қызғалдақтай солды ма әлде ол екеуі
Ұмытылып, қурап жердің бетінде




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу