👈 қаріп өлшемі 👉

  Өлеңдер ✍️

  15.05.2022
  37


Автор: Нүсіпбай Әбдірахым

Таң атты, міне, тағы да...

Таң атты, міне, тағы да
Ұйқысыз өтті бір түнім.
Ұзақ түн, жым-жырт тыныштық,
Ілінбей қойды кірпігім.
Буалдыр арман, жаныма
Тыныштық неге бермейсің?
Қол жетпес алыс қиянға
Қолыңды неге сермейсің?
Қолымда менің тұр бақыт,
Құшағым толы гүл менің.
Тойымсыз көңіл, тағы да
Не аңсап, нені іздедің?
Түсінбей жүрмін өзім де,
Балалық па екен аңсарың?
Қиялым неге сабылдың,
Кімдерді іздеп шаршадың?
Достар ма кеткен алыстап,
Алаңсыз күн бе кешегі?
Қорғасын бұлттар көгімнен
Тынымсыз неге көшеді?
Беймаза көңіл, бейуақта
Тыныштық қайдан табасың?
Буалдыр арман, жанымды
Жетелеп қайда барасың?!


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы