Өлеңдер ✍️

Жасыма, жалын жүрегім,
Гүл өмір мынау жайнаған
Жылы шырай бермесе.
Түңілме қызық өмірден
Тағы да қайғы кернесе.
Іздеме бақыт алыстан,
Елжірей берме әрбір кез.
Тулама енді өрекпіп
Қадалса маған мөлдір көз.
Жазылмай тұрып қайғының
Бұрынғы бітеу жарасы,
Шықпасын енді зарлы үнің
Мұң емес өмір бағасы.
Түстім де отқа алтын деп
Қанатым күйді, “кеш” дедім.
Болыппын көзсіз көбелек,
Өзімді-өзім кешпедім.
Алданба енді басқаға,
Адассаң менің өшкенім.