Өлеңдер ✍️

Дарқан өмір,
Көп емес те менің сенен сұрарым:
Тек өзіме байланысты
Тік жүруім, құлауым,
Майысарым, сынарым.
Үзілмесін осы бір менің әлсіз қиялым,
Биік болсын әрқашан арман атты шынарым.
Сұрамаймын мен бақыттың өзін де ,
Сәтсіздік те,
Сәттілік те
Байланысты өзіме.
Шабыт бергін шалқып кеткен кезімде,
Шағалаң боп шарқ ұрайын шомылып
Жауындатқан, дауылдатқан сезімге.
Өзіме аян бір күндері шығарым,
Бұлдырайды арман-тауым,
Шарқ ұрады қиялым.
Сол арманмен ұйықтаймын,
Күнде бірге тұрамын.
Ей, гүл өмір, аяғымнан шала көрме тек қана,
Келмейді енді, келмейді енді құлағым!