Өлеңдер ✍️

Жадыратып жарқын күннің шуағы,
Жаңа жылда кеудеге үміт тұнады.
Аяз Ата Ақшақармен ілесіп
Бақыт кіріп келердей боп тұрады.
Қайырмасы:
Жаңа жылда, халайық,
Шаттық отын жағайық.
Ақ тілектер атқарып,
Шырқап әнге салайық.
Жаңа жылда жағып үміт – шырақты
Көңіл де бір табар емес тұрақты.
Әне-міне абзал достай аңқылдап
Бір жақсылық кеп қалатын сияқты.
Қайырмасы:
Жаңа жылда, халайық,
Шаттық отын жағайық.
Ақ тілектер атқарып,
Шырқап әнге салайық.
Есігімді қағып достар жаны ізгі
Шаттық – шамның отына май тамызды.
Өмірдегі ең бір аппақ армандар
Осы қазір орындалар тәрізді.
Қайырмасы:
Жаңа жылда, халайық,
Шаттық отын жағайық.
Ақ тілектер атқарып,
Шырқап әнге салайық.
Күліп атып туған елдің таңдары,
Орындалсын, достар, барлық арманың.
Қиял шіркін бара жатыр шарықтап,
Ертегідей ғажап әлем жан-жағым.