Өлеңдер ✍️

  15.05.2022
  109


Автор: Нүсіпбай Әбдірахым

Мен көргем жоқ соғысты

Мен көргем жоқ соғысты,
Көргем жоқ қан майданды.
Кездестірдім тек қана
Сұмдық кездің жарасы
Жазылмаған жандарды.
Кетпепті әлі қайғы ізі
Әжімді ана бетінен.
Сақтаулы әлі тұр күлше
Аттанар кезде жалғызы
Дәм татып кеткен шетінен.
Ұмытар емес әлі де
Соғыстың қатал жылдарын
Әкесіз өскен балалар.
Соғысқа кеткен ұлдарын
Сарғайып күткен аналар.
Шаттықты жүрміз жыр қылып,
Бұл күнде құрғап көз жасы.
Ал енді қанша арудың
Суреттен ғана тұр күліп
Оралмай қалған жолдасы.
Мен көргем жоқ соғысты,
Көргем жоқ қан майданды.
Көргім келер, адамдар,
Жер бетінен алаңсыз,
Тек бақытты жандарды.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу