Өлеңдер ✍️

  15.05.2022
  96


Автор: Нүсіпбай Әбдірахым

Алпыс жастың жемісі көп жинайтын

Құтты болсын, Жақа, туған күніңіз,
Ортамызда шаттаныңыз, күліңіз.
Немере мен шөберенің шаттықты
Күлкісінен босамасын үйіңіз.
Алпыс – тал түс,
Жадыраңыз,
Жайнаңыз,
Жарқырасын дәйім жастық айнаңыз.
Тілегіміз – сексенге кеп сергек боп,
Тоқсанда да тұғырдан еш таймаңыз.
Алпыс жастың жемісі көп жинайтын,
Кезіңіз бұл әндететін, жырлайтын.
Сізді жақсы көретұғын көп жан бар,
Ұжымыңыз бар айрықша сыйлайтын.
Ойдағыдай ақталынды көп парыз,
Оған куә сайрап жарқын жатқан із.
Сонда да бір босамайды кабинет,
Күні бойы шырылдайды «соткаңыз».
Белгілі ғой,
Іздемейді себепсіз,
Жақынға да, жолдасқа да керексіз.
Сөйте тұра бүгінгі күн қалайша
Қарттық жасқа келіп қалдым демексіз?
Әрине, кез өтіп кетті үздіккен,
Әйтсе де алыс егделік шақ Сіз күткен.
Билесеңіз келіншектер күлімдеп,
Үйіріліп жүре берер қыз біткен.
Шаттанамыз біз тасыңыз өрлесе,
Жүйрігіңіз бәйге алдын бермесе.
Қуаныштар бола берсін осылай,
Алпысыңыз құтты болсын ендеше!
Қас батырдай қай кезде де қасқайып,
Асекең мен Әбекеңді қасқа алып,
Жетпісте де жүріңізші біздерді
Брежнев атамыздай басқарып.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу