Өлеңдер ✍️

  15.05.2022
  88


Автор: Нүсіпбай Әбдірахым

Сөзімді бөлмеші

Мен бүгін сыр айтам,
Жыр айтам,
Сөзімді бөлмеші!
Мұңайтам,
ал өзім егіліп жылаймын,
Тек ерсі көрмеші,
Сөзімді бөлмеші.
Жұлдыздар, төбемнен төнбеші,
Төнбеші,
Бүгінгі қан болған қалпымды көрмеші.
О, Муза, айрылмас досым ең,
Тағы бір емдеші, емдеші.
Үндемей тыңдашы,
Самал жел, соқпашы.
Мен бүгін сыр айтам,
Тоқташы, тоқташы,
Кеттім-ау от басып.
Мас болдым кеше мен
Түрлі ойлар өртеген денесін,
Бірақ та мені ешкім, әлжуаз, қорғансыз демесін.
Кеудеммен қорғаймын дауылдан, жауыннан
Достардың арманшыл кемесін.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу