Өлеңдер ✍️

Тағдыр маған қайта сыйлап алыс кеткен күлкіні,
Таныстым мен сеніменен, бірге отырдым сол күні.
Қара көздер қарайтындай үмітпенен нұрланып,
Менің мұңлы жаным сонда теңіз болып толқыды.
Бірге күліп, бірге өткерер дарқан өмір жолдарын,
Бөлісетін бал жастықтың қуанышын, тойларын.
Сонда сені, кешір, құрбым, мынау қызық өмірде
Меніменен мәңгі бірге болсашы деп ойладым.
Көңілімді орап алып жеткізбейтін тәтті арман,
Қиялымда мол қуаныш, биік бақыт күтті алдан.
Жоқ, жоқ, өмір, қызыл гүлге соза алмаймын қолымды,
Көрмесін ол, естімесін сөздерімді ақталған.