Өлеңдер ✍️

Жалғыз жортқан жапанда батыр да емен,
Жылап тұрса жауды да жақын көрем.
Бозторғай, шексіз-шетсіз сағынышымды
Бірге жырла қосылып ақынменен.
Мылтығым да жоқ менің, қылыштарым,
Қанжар емес, қолыма гүл ұстадым.
Ақ ниетті адамдар – тілеулесім,
Жердегі бар ғашықтар туысқаным.
Сағынышым, сағым боп тұра бергін,
Жетем бір күн шетінде қия белдің.
Жүйткі, жүйткі, жасқанба Батыраштан
Жаңа ғана бусанған Құлагерім.