Өлеңдер ✍️

  15.05.2022
  96


Автор: Нүсіпбай Әбдірахым

Ешбір тілге теңемен



Менің тілім ешбір тілден кем емес,
Ешбір тілге теңеп және көрмегем.
Анашым да осы тілде сөйлеген,
“Әлдиімен” бесігімді тербеген.
Жанымды өртеп балғын ару бұрымды,
Осы тілде жазғам алғаш жырымды.
Содан бері тоқтататын шама жоқ
Кеудемдегі буырқанған құйынды.
Тілім менің – тірегім де мұратым,
Кім өзіңді қиянатқа қиятын?
Тіліп таста жүзін семсер сөзіңмен
Жоғалтқандар болса намыс, ұятын.






Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу