Өлеңдер ✍️

Кең барлап қарасаң
Тірліктің
Арнасы – кернеген запыран.
Жасанды тойында Бірліктің,
Шырқалмай, шырқырап жатыр Əн.
Өйткені уланған дүние,
Шалдығып арсыздық дертіне.
Біз соған күйіне, күйіне,
Жанамыз шараптың өртіне.
Кімің бар бұл зарды ұға алған,
Айта алар қасірет жайлы кім?
Ақынсыз қозғалса
Бұ жалған –
Тербелген мұхиты қайғының!..
Дүние сұрлана, сыздана,
Еңсені езгенде уақытсыз;
Қасірет тойына біз ғана
Жететін
Жүрекке тағып мұз...