👈 қаріп өлшемі 👉

  Өлеңдер ✍️

  14.05.2022
  26


Автор: Ахмет Өмірзақов

Кең барлап қарасаң...

Кең барлап қарасаң
Тірліктің
Арнасы – кернеген запыран.
Жасанды тойында Бірліктің,
Шырқалмай, шырқырап жатыр Əн.
Өйткені уланған дүние,
Шалдығып арсыздық дертіне.
Біз соған күйіне, күйіне,
Жанамыз шараптың өртіне.
Кімің бар бұл зарды ұға алған,
Айта алар қасірет жайлы кім?
Ақынсыз қозғалса
Бұ жалған –
Тербелген мұхиты қайғының!..
Дүние сұрлана, сыздана,
Еңсені езгенде уақытсыз;
Қасірет тойына біз ғана
Жететін
Жүрекке тағып мұз...


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы