Өлеңдер ✍️

  14.05.2022
  109


Автор: Ахмет Өмірзақов

Айналайын, қаракөз, жадыратар жарығым...

Айналайын, қаракөз, жадыратар жарығым,
Сен дегенде жанымның жары шаттық, жары мұң.
Жақындағым келгенде жеткізбейтін сағымсың,
Қимасымсың,
Қайтсем де қолым жетпей арыдым.
Жүрегімді жалындай келсе-дағы ұсынғым,
Қорқам қаяу түсер деп көңліне аппақ құсымның.
Жалғыз медет жаныма,
Сенің бір сəт болса да
Толқытқаның таңы боп түн сыйлаған түсімнің.
Талай ару, өр қыздар албыраушы ед алдымда,
Сонда да бір селт етпей қалушы ем тас қалпымда.
Сен дегенде бұл жүрек неге тілсіз?
Білмеймін.
Əлде сенің сəулеңе мəңгі арбалып қалдым ба?!.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу