👈 қаріп өлшемі 👉

  Өлеңдер ✍️

  14.05.2022
  29


Автор: Құралай Омар

Арман – теңiз, айдында жүздi кеме...

Арман – теңiз, айдында жүздi кеме,
Көңiл – толқын толқи ма, үздiге ме?
Жағада қол бұлғаған бейтанысым,
Сағынады екенмiн сiздi неге?
Таусылмайтын тұңғиық қиял – әлем
(Өзiңiздi мен кiмге қия алар ем?)
Дәрменсiзбiн… Әттең-ай, сағым болсам,
Кеудеңiзге, ойланбай, ұялар ем.
Сыр айтамын сыбырлап самалдарға…
Қарамайтын тосқауыл, қамалдарға
Ертегi батырындай ерлiгiм жоқ,
Батылым жоқ, қайтейiн, амал бар ма?!
От боп жандым, айналдым тағы алауға,
(Тағдыр – ұстаз сынауда, бағалауда)
Өзiңiзге асықтым, күтiңiзшi,
Күтiңiзшi менi сол жағалауда.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы