👈 қаріп өлшемі 👉

  Өлеңдер ✍️

  14.05.2022
  19


Автор: Құралай Омар

Махаббаттың масайып шарабына...

Махаббаттың масайып шарабына,
Есеңгiреп есiмнен айырылдым.
Нұр боп әлде бойыма таралды ма,
Саған неге соншама қайырылдым.
Елестетсем өзiңсiз өмiрiмдi
Налимын да қайғырып, жылаймын шын.
Iңкәрлiк билеп алды көңiлiмдi.
Жүрген едiм бұрындар уайымсыз.
Аңсаумен өтiп жатыр түндерiм де,
Қиялымда құс болып қалықтайсың.
Сүйгендiктен күтемiн күнде-күнде,
Ынтықпын ғой – тосудан жалықпаймын.
Күш тартады менi бiр саған қарай,
Өзiңсiз өмiр мүлде жабықтырды.
Рет-ретiмен қойылған бағанадай,
Еш қызықсыз, бiркелкi күндерiм де
Мезi еттi, қажытты, жалықтырды.


Кейінірек оқу үшін сақтап қойыңыз:



Пікір жазу


Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы