Өлеңдер ✍️

  14.05.2022
  178


Автор: Назира Бердалы

Бір өзіңді таңдадым

Қыз:
Жаным!
Жаныпты көкте жұлдыз
Қарақат көзді бір қыз
Өмірге келгенде.
Жігіт:
Жаным!
Ғашық боп оған қалдым,
Жұлдыз боп мен де жандым
Сені көргенде.
Екеуі бірге:
Алтын арай айдарлым,
Жарқылдаған жайдарлым
Көп жұлдыздың ішінен
Бір өзіңді таңдадым.
Қыз:
Жайдым
Түннен де қара шашым
Інжу мен маржан, асыл
Барлығы бойымда
Жігіт:
Ләйлім!
Артықсың маған Айдан,
Ақмаңдай ару, айнам!
Тек сен – ойымда...
Қыз:
Жаным!
Қасымнан менің табыл,
Сен барда мөлдір, лағыл
Жұлдызым жоғары!
Жігіт:
Жаным!
Жұлдызың сенің биік,
Өтем деп мәңгі сүйіп,
Жүрек соғады.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу