Өлеңдер ✍️
Өлеңдер ✍️
13.05.2022
85
Өмір
Мың жыл аққан бұлақтар бар,
Әлі ағады таусылмай –
Кетпей жүрген құлақтардан
Жоқ іздеген даусымдай.
Жел жүйткиді оңнан солға,
Барар жері баянсыз.
Өмірге ұқсас алдамшы ол да,
Ойға түйіп аларсыз.
Көктен қанша жұлдыз ақты –
Азаймайды ол ғажап.
Ғұмырымды желге ұзаттым,
Орны толмас сол ғана…
Көкжиектен Күн батады,
Шығу үшін қайтадан.
Шындығымды шыңға тағып
Қайдан бәрін айта алам?!
Әлеуметтік желілерде бөлісіңіз:
Facebook | VK | WhatsApp | Telegram | Twitter