Өлеңдер ✍️

  13.05.2022
  136


Автор: Қазбек Құттымұратұлы

Мені артына тастап кетті қанша күн...

Мені артына тастап кетті қанша күн,
Күйбең тірлік – қоштаспаппын бірімен.
Келер күнге қарай-қарай шаршадым,
Енді міне, өткеніме үңілем.
Өкінішті – қайта келмес өткен күн,
Әр күніңе тағдырыңды бересің.
Жанға терең із қалдырған көктемнің
Орнын баса алар ма екен келесі…
Әрбір қадам жақындатар ажалға,
Әр ғұмырды күтіп жатыр терең көр.
Өзің берген аманатты аларда
О, Құдайым, өлмейтұғын өлең бер!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу