Өлеңдер ✍️

Сезген соң енді ешқашан көрмесімді
Сол бір сәт, сол бір мекен көзге сіңді
Жүректі бір қуантып, бір мұңайтып,
Мен бұрын естімеген өзгеше үнді
Саз толды, құлаққа емес, көкірекке,
Жастықтың бас бұзатын оты кеткен.
Ескі дос – қыз бен қызық, думан-тойдың
«Жоғал!»- деп айтып едім бетіне өктем.
Жас дәурен – кем күн қызық – көңілге азық,
Көзге жас шақырады сағымданып.
Елемей, кетемін деп мың бекіндім
Қайсарлық рухқа толы өмір жазып.
Кім білсін, не күтеді алдан мені,
Әйтеуір бір мақсаттың солмады өңі.
Ол мақсат – түнде тыныш жатқызбаған
Рухым мойындатқан Арман еді.