Өлеңдер ✍️

  13.05.2022
  110


Автор: Қазбек Құттымұратұлы

Құлазы, көңіл, құлазып...

Құлазы, көңіл, құлазып
Қамыққан жанға мұң азық.
Дәт бар ма өмір өксігін
Жүрекке қақса сына қып.
Күңірен көңіл, күңірен,
Ізгілік көрмей тіріден.
Құдайға ғана қол созып
Шапағат сұра түнімен.
Жылай бер, сорлы көңілім,
Өтті деп өксіп өмірім.
Ұзақты күнге жыласаң
Жұбатар екен сені кім?
Тумасын ол күн білесің,
Тоқтайды сосын күресің.
Көңілім сонда ызадан
Жындана жаздап... күлесің.
Көзіңнен қараң қашса нұр,
Сөзіңнен сараң қашса жыр
Көңілі көлдей асқақ ұл
Болады солай тасбауыр.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу