Өлеңдер ✍️

Мен түсімде жалаңаяқ қар басып,
Тауда жүрмін тағылармен арбасып.
Тастан ғана мейірімділік күткендей
Жартастарға өрмелеймін жармасып.
Хақ тәңірім сен едің ғой сыйынған,
Сен қайдасың?
Салып мені қиынға
Дәтің шыдап қарайсың ба төменнен
Өз жолыңды өзің тап- деп, бұйырған?
Шыңның басын бұлт басқан қаралы,
Менің жолым - азапты жол, ол анық.
Қанат бітіп, көкке самғап кетпесем
Тек жалғыз жол - қайта құлау қалады...