Өлеңдер ✍️

  13.05.2022
  85


Автор: Қазбек Құттымұратұлы

Сен, Алатау, біздің күйден не білдің?!

Сен, Алатау, біздің күйден не білдің?!
Студенттер қалашығы көңілді.
Көктем деген - анау тұрған бойжеткен,
Таныдың ба қызыл-жасыл көйлектен?
Бір қарап ап берейін бе ән жасап,
Әттең, әттең, қолшатыры болмаса.
Айналайын, көңіліңде тым жақсы ой,
Тілімді алсаң шатырыңды жинап қой.
Көктем ғой бұл,
Арман еткен, сағынған,
Жамалыңды жуып ал да жауынға
Күллі әлемді ғашық етіп жымишы,
Алматыны кезіп кетсін гүл исі.
Алма ағаштар сырға тағып ақ гүлден
Арман еткен бақытымды таптым дер.
Бүгін бізге көңілді бір ән керек


Бүрін жарып шығар еді тал-терек.
Содан кейін,
Алматыға кеш түсе,
Көктем күйін көңілімен естісе
Қуанышын жасыра алмай аптығып
Ғашық жарын күтер еді жас жігіт.
Әрең ұстап сезімінің тиегін
Тұрар еді ақ қайыңға сүйеніп.
Бір қараса аспан жаққа көктеңбіл
Көрер еді көк жазуды -
КӨКТЕМ бұл!
Жымың қағып осылай дер жұлдыздар.
Мен де сонсоң сыр шертер ем бір қызға:




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу