Өлеңдер ✍️

Қызыл алма, тәттісің-ау, тәттісің,
Көптігіңнен бағаң түсіп жатты шын.
Қадіріңді біле алмаймын мен қазір,
Сен оныма өкпелеген жоқпысың?!
Әрбір күнің думан еді, Қаскелең,
Кеудемізде тулап еді басқа өлең.
Қара көзім,
Сенің дара көзіңнен
Қуаныштан тұнып қалған жас көрем.
Алма қызыл.
Біздер-дағы ұятты.
Көңіліме бұл күй ғажап ұнап тұр.
Таңдап үзіп сыйлайыншы бір алма

Жұмақтағы Адам Ата сияқты.
Хауам менің - жаным сүйіп ұнатқан,
Тек өзіме,
Тек өзіме сыр ақтар.
Алма мынау,
Таңдап үзген сен үшін
Қабылдап ал,
Қуылсақ та жұмақтан.