Өлеңдер ✍️

  13.05.2022
  539


Автор: Қазбек Құттымұратұлы

Сен білмейсің ғой, мендегі сезім жайлы...

Сен білмейсің ғой,
Мендегі сезім жайлы,
Бар Әлемде бір ғана Өзің қайғы.
Менің жаным Әлемнен шаршамастан
Өзің жайлы айтылған сөз ұрлайды.
Сен сезбейсің ғой,
Жанымның аңсайтынын,
Бақыт еді көгімде болсаң Күнім.
Әлемнің бар шаттығын Саған қиям
Өзіме жинап мұңның бар салқынын.
Сен ұқпайсың ғой,
Талай түн елеске еніп,
Өзіңмен өмірімдей кеңескенім...
Ұмытсам деп ем бәрін, болмай қойды,
Өзіңді еске түсірер бәрі естелік...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу