Өлеңдер ✍️

  13.05.2022
  102


Автор: Қазбек Құттымұратұлы

Көп сезімім уақыттың өтінде өліп...

Көп сезімім уақыттың өтінде өліп,
Талай болды көп іске бекінгелі.
Жалғызсырап жүремін көп ішінде
Робинзон Крузо секілденіп.
Шабыт бұлтым шалғайдан төкті жаңбыр,
Кеудемде күрсіндірер көп күмән жүр.
Қорқамын, сірә менің тағдырыма
Әсерін тигізердей Ихтиандр.
Жанарымды арбаған жарқын елес,
Жақын емес, жылы емес, салқын емес.
Бей-жай жүрмін.
Менің де тағдырымды
Жазып кеткен жоқ па екен Мэлькиадес?




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу