Өлеңдер ✍️

Мен мұңайсам жетедi. Сен мұңайма.
Қайтесiң көңiл атты көлдi лайлап.
Маңдайы тасқа тиген қайран көңiл
Керуенiн тартар екен ендi қайда...
Көңiлiм көгермейдi күн жылыса,
Жүрегiм жүдеп кеттi мұңды-құса.
Бақыттың менен кеткен есебiнен
Сен бақытты болсаңшы тым құрыса.
Мұңайшы.
Мұңайғаның жөн де шығар,
Бұл жалғанда жалғыз-ақ сен бе сыңар?!
Әулиедей көретiн ағам айтқан:
Мұңды жанның мың-мың сан көмбесi бар,
Көмбесi бар көңiлдiң өлмесi бар...