Өлеңдер ✍️

Кең байтақ Сарыарқаның даласында,
Есілдің еміренген жағасында.
Ертегі-аңыздарда айтылғандай,
Ғажайып бір қала тұр нанасың ба?
Қайырмасы:
Ірге тасын өз қолымен қалаған,
Атын қойған Астана деп жаңадан.
Елбасының еңбегіне сүйіне,
Бүкіл əлем тамсанумен қараған.
Елімнің ақ ордасы мұраты асыл,
Өзіңді сыйға тартты жаңа ғасыр.
Тамаша жаңа ғасыр біздің ғасыр,
Əлемге Астананың даңқын асыр.
Қайырмасы:
Бабалардың өсиетін сақтаған,
Арманынан туған елдің астанам.
Болашаққа сенімменен бастаған,
Мақтансам мен Астанаммен мақтанам.
Тамырын терең тартқан бəйтерегім,
Сен жайлы бір аңызды айта келдім.
Өзіңе ұя салған самұрықтай,
Жалғаған мəңгі ұрпағың қайсар елің.
Көгіңде көк байрағың желбіреген,
Өзің деп ел жүрегі елжіреген.
Елімнің елдігінің арнасы өзің,
Есілдің өзеніндей мөлдіреген.