Өлеңдер ✍️

Киелі батыр ер Жəнібек – əз бабам,
Рухыңмен шабыт, қуат бер маған.
Тəуелсіз бүгін арманға жетті еліңде,
Тəуелсіз бүгін ұлан байтақ кең далаң.
Көсем де едің кемеңгер елді бастаған,
Шешен де едің бөгелмей сөзді бастаған.
Еліне ес боп жеріне қорған бола алған,
Батыр да едің жорықта қолды бастаған.
Он сегіз жаста жорыққа шықтың сайланып,
Қылыштай өткір ызамен кекке қайралып.
Намыстың туын көтердің биік құлатпай,
Тек қана ел мен жеріңнің қамын ойға алып.
Тілекті бер деп Алладан медет сұрадың,
Қуат қып бойға анаңның таққан тұмарын.
Садақа еттің ар үшін ғазиз жаныңды,
Абылай, Абақ, Мұхаммет еді ұраның.
Келген жоқ оңай тəуелсіз бұл күн тегін бе,
Қарама салғырт берілме албырт сезімге.
Өткенде бүгін саралай білсек санамен,
Үлесің үлкен жан кешті баба сенің де.
Арпалыс өмір алпыс жыл аттан түспеген,
Жауыңды жеңдің ақылмен, айла, күшпенен.
Өшпейді баба ерлігің ерен жыр дастан,
Туған жер сенде ақ туын жықпай тіктеген.
Өмірге мынау келмесең-дағы жау тілеп,
Сүрінген елге бола алдың сүйеу бір тірек.
Есімі елге ұран болған ұрыста
Қазақтың сен де батыры едің жау жүрек!