Өлеңдер ✍️

Өткен күндер тұрды ылғи сынақтардан,
Көңілдерге көлденең сызат салған.
Құндақталып алғанда қуысталып,
Онда қайда көңілден сыр ақтарған.
Кетем бе, деп сүрініп сынақтардан.
Өлшеуіштей сырғыма сынап салған.
Тұрғандықтан сынақтың майданында,
Көңіл үркіп, көңілден жырақ қалған.
Қиялшылдар жасаған сынақ заман,
Қаулылар мен жоспарлар қыр аспаған.
Бəрін-бəрін біз ғана жасаймыз деп,
Заман еді-ау, ол да бір тыраштанған.
Қиял күйі қысырақ арман мүлде,
Жан себілдік күн кештік жалған күнде.
Естігенің рас боп, көргеніңде,
Шынайылық болса екен қалған күнде.