Өлеңдер ✍️

  13.05.2022
  107


Автор: Сайламқан Мұстақиұлы

Өлеңнің де инесі бар, жібі бар

Өлеңнің де, инесі бар, жібі бар,
Əуелі сен осы жағын біліп ал.
Өміріңнің көңіліңнің жыртығын,
Сол инемен сол жіппенен тігіп ал.
Өн бойыңа бажайлап бір қарап ал,
Үзілсе егер түймеңді де қадап ал.
Керек болса, ине мен жіп осындай,
Менде де бар жолын тауып қалап ал.
Кінə тағып, кір іздеме сəбиден,
Жаңа ғана қауышты ол пəнимен.
Сол сəбиге жөргек тігіп беруге,
Ине-жіпті таба алмадық бар үйден.
Ине жіпті таба алмадық бар үйден,
Жалтыраған жабдықтармен сəн үйген.
Жөргек жоқ сəби жатыр жалаңаш,
Ұят болды-ау, ұят болды-ау сəбиден.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу