Өлеңдер ✍️

«Жазылар естеліктер мен туралы»,- деп кетті,
«Біреулер жан еді дер өр тұлғалы»,- деп кетті.
«Біреулер тұлпар еді, дер де мүмкін,
Бүтінделмей кеткен бір ер тұрманы»,- деп кетті.
«Айтып өтті барлығын кір жасырмай жүрекке»-
Жырмен жауап беретін ақымақтау білекке.
Тарыққанда, торыққанда алып кетсе мілиса,
Жырмен жауап беретін қамаса да түнекке.
«Өкінбен, мұңайман да, өксімеймін»,- деп кетті.
«Өмірім осылай-ақ өтші мейлің»,- деп кетті.
Алайда аласапыран тіршіліктің,
Алдында күресе алмай тек сілейдім,»- деп кетті.
Айтып өтті дегенмен,
айта берсе арман көп,
Сондықтан да бұл өмір аталады «жалған» деп.
Артта қалған еңбегін ақтарғанда, өткенге,
Өлең болып азуын ақситады арлан кек.
«Қарасаз, қара шалғын өлеңде өстім»,- дегені-ай,
«Жыр жазсам, оған жұртым елеңдестің»,- дегені-ай.
«Өлсе өлер Мұқағали Мақатаев,
Өлтіре алмас алайда өлеңді ешкім»,- дегені-ай.