Өлеңдер ✍️

Өмір өзін дөкей де етпей, дүр де етпей,
Өткен ақын тентек мінез, бірбеткей.
Сарноқайдан шыққан ғашық мәңгілік
Ләйләсінің теңеуіне жыр жетпей.
Тірлігінде атақ та алмай, тақ көрмей,
Өткен ақын, жырдан басқа бақ көрмей.
Тек Ләйләсін асқақтатып аңсаумен
Ер Мәжнүнді ойнап өткен актердей.
Марапат та, құрмет те сұрамай,
Өткен ақын тағдырына жыламай.
Ләйләсіне жазған жырын оқысаң,
Тоғжанына қол жетпеген Ұлы Абай.
Пенделерге періштедей көрініп,
Өткен ақын, сынығындай серінің.
Ләйлә аруға бағышталған жырымен
Әспеттеген қызын туған жерінің