Өлеңдер ✍️

  13.05.2022
  109


Автор: Сәуле Досжанова

Дәрі тамып тұр...

Бір ... екі... үш...
Құйып маған күш.
Дәрі тамып тұр,
Жасап қайырлы іс.
Темір инемен,
Жалғап білекке.
Көңіл күймемен
Шарлап жүректі.
Дәрі тамып тұр,
Емдеп жанымды.
Шамы жанып тұр,
Жырдың жалынды.
Көңіл дөненім,
Жортып өткенге.
Қанатты өлеңім
Шарлап көктемге.
Қиялмен барлап,
Жырлап тау-шыңды.
Жатқанда шарлап,
Дәрім таусылды.
Бойыма толып,
Қуат құйылды.
Жан рахат болып,
Шуақ құйылды.
Көңілім тасып,
Қиялым желді.
Құшағын ашып,
Шабытым келді...




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу