Өлеңдер ✍️

  13.05.2022
  109


Автор: Сәуле Досжанова

Қош, Алматым!

Қош, Алматым!
Сенен көшіп барамыз.
Өзіңде өткен шағымыздың бәрі аңыз.
Сенде қалды мұрағатшыл бір жігіт,
Сенде қалды жырға құмар қара қыз.
Қош, Алматым!
Орта жаста Арқаға,
Көшіп барам, мың кітапты арқалап.
Шығармашыл, рухани орданы
Алмастырып ресмилеу ортаға.
Қош, Алматым!
Мәртебеңді басқаға
Алып бердік, жасап жаңа астана.
Сені ұмытпай есіне алып ұрпақтар
Жазылар-ау талай-талай әпсана.
Қош, Алматым!
Өкпелеме бізге сен.
Сағынышым басылар ма жүз келсем.
Жаңа қала, жаңа астана жақсы ғой,
Сендей жәннәт табылар ма іздесем.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу