Өлеңдер ✍️

  13.05.2022
  222


Автор: Сәуле Досжанова

Ақ кимешек киген ана

Қарқаралы өңірінің ардақты анасы Күлнәзия Әшімқызына
Ақ кимешек киген ана – несібе,
Сені көріп – анамды алдым есіме,
Сені көріп – енемді алдым есіме.
Ағыл-тегіл жылайын ба басымды
Сағыныштан қойып алып төсіңе.
Етек-жеңі мол тігілген көйлегің
Көлбеңдейді, есіме сап бейнені.
Анамдай боп мейірлене сөйледің,
Енемдей боп мейірлене сөйледің.
Ақ кимешек киген әппақ ләйлегім.
Оттай болды кеткеніңде кезіге,
Қошқар мүйіз, қыжым қамзол көзіме.
Сен анамдай көріндің де өзіме,
Сен енемдей көріндің де өзіме!
Жан дүнием бо-с-а-а-п кетті езіле




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу