Өлеңдер ✍️

21 жаста,
Тоқтады ақын жүрегі.
Жанының отын халқына жағып жүр еді.
Жанының отын арттыра жағып жүр еді.
Елі үміт күткен ұл еді!
21 жаста,
Қыршын жас кетті үзіліп.
Ғашық жүректің қара жер көрді қызығын.
Қабір басына келетін болмай жар, бала
Қабір тасында жырлары тұрды тізіліп.
21 жаста...
Арманы шіркін көп еді...
Анасы айтып, көзінің жасын төгеді...
Баяғы кезде баллада жазған бір сұлу,
30 жыл бойы қабіріне гүлдер егеді