Өлеңдер ✍️

  13.05.2022
  111


Автор: Сәуле Досжанова

Екеуміздің өміріміз бір дәурен

Біреу күліп, біреу біліп айтатын,
Біздердегі шын махаббат бір аңыз.
Сол шіркінді жырламады қайсы ақын
Білмек болсаң ғашықтардан сұраңыз.
Біреу біліп, біреу күліп қарайтын,
Екеуміздің өміріміз бір дәурен.
Тұлабойға бір тәтті мұң тарайтын
Мен келемін сол дәуренді жырлаумен.
Қабағыңды бағып сенің сәт сайын,
Көңіліңді жалықпадым табудан.
Қызығым-ау, мен неге одан шаршайын,
Маңдайыма осы болса жазылған.
Көңіліңе бір қуаныш мекендеп,
Көздеріңнен төгіледі нұрсәуле.
Қайтсем сені бақытты етсем екен деп,
Махаббатпен жырға бөлеп жүр Сәулең.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу