Өлеңдер ✍️

  13.05.2022
  92


Автор: Сәуле Досжанова

Елім бір сен деп

Еренқабырғаның бауырынан,
Қарадаланың сауырынан
Жауқазын жырыммен,
Жарып шығып ем.
Содан бері елім,
Жырлап келемін.
Аспантауымның аясынан,
Аққайыңды ауылымның саясынан
Сүйреп нар талап,
Арман арқалап,
Бағымды іздедім,
Жырымды үзбедім.
Алатауы бар, Сарыарқасымен,
Жырладым біраз белортасымен.
Қайда жүрсем де,
Елім бір сен деп
Өсті өренім,
Жырлап келемін.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу