Өлеңдер ✍️

  12.05.2022
  238


Автор: Сабырхан Асанов

Жетісу - менің қайын жұртым

Жетісу – менің ыстық қайын жұртым,
Әр көркі – арқауындай дайын жырдың.
Жарықтық қарлы Алатау баурайы кең,
Сағынып барамын да, аунай кетем.
Өзендер мұнда аттарша заулайды екен,
бұлақтар түлкідей боп аунайды екен.
Көп тауға тірей салған көк төбелер,
Көкпеңбек көк пүліштен аумайды екен.
Көптігі асқартауда арқарлардың,
Қозыдай қуып жүріп аулайды екен...
Көк шыңдар көктің төсін сүйер барып...
Көп шырша бір-біріне сүйеу болып...
Қызы ма?
Қыздарының несін айтам,
Тынасың ақырында күйеу болып.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу